ၼမ်ႉၵႂၢမ်း ယႃႇပေႁႆႈလႄႈၼွင်ႉ
ၽူႈႁွင်ႉၵႂၢမ်း ၸၢႆးသၢႆမၢဝ်း
* မိူဝ်ႈၽွင်းလူမ်းထွင်းပဝ်ႇဢဝ်ၽိူဝ်ပိဝ်ႁူင်ႈတူၵ်းၼၼ် ဢေႃး ... ၸၢႆးႁဝ်းလႆႈပႆၵႂႃႇႁၼ်
ဢွၼ်ႇသၢဝ်ၼွင်ႉလဝ်း ဢဝ်မိုဝ်းတူမ်းၼႃႈသေ ၸဵတ်ႉၼမ်ႉတႃယူႇတီႈႁိမ်းၼွင်
မီးတၢင်းၶေႃးၶူမ်ထိုင်ၸႂ်လွင်ႈသင်လႄႈ ၼၢင်းလဝ်းဢူၺ်းမႂ်းႁႆႈႁဵတ်းသင်
ပေႃးၼၢင်းမီးလိူင်ႈလွင်ႈတၢင်းၶႆႈၸႂ်ယၢပ်ႇ တွၼ်ႈတႃႇၼၢင်းသိူဝ်းၼၼ်ႉတေမွၵ်ႇပၼ်
ႁိုဝ်း ႁိုဝ်. .....
ဢေႃ တၢင်းႁၵ်ႉၼႆႉဢမ်ႇၸိုဝ်းလႄႈဝႃႈမၼ်းၵိုမ်း ၵေႃႉ ... လိုမ်းၼၢင်းၵေႃႈလိုမ်းၵႂႃႇယဝ်ႉ
ယႃႇပေၼႅင်ၸႂ်ဝူၼ်ႉၽိတ်းၶိုၼ်းတၢင်းလႂ် ၸဵတ်ႉၼမ်ႉတႃယႃႇႁႆႈၼႂ်းၸႂ်
တူၺ်းလူးၼၢင်းဢူၺ်း မွၵ်ႇၵုမ်ႈယူႇသုင် ပေႃးလူမ်းထွင်းမႃးၸုင်မၼ်းၵႂႃႇ
မၼ်းတၵ်ႉမီးဝႃႈဢမ်ႇၶိုၼ်းမႃးယဝ်ႉၼႃ ႁူႉပွင်ႇလႅင်းၼႃႇၸၢႆးမၢဝ်ႇဝႃႈ
ႁိုဝ်း ႁိုဝ်. .......
(ၵႂၢမ်းလၢတ်ႈ) တေႃႈၽိူဝ်မႆႉယူႇၼိူဝ်တူၼ်ႈမၼ်းၵေႃႈ မီးတၢင်းႁူင်ႈတူၵ်းယူႇ တၢင်းႁၵ်ႉဢၼ်ဝႃႈၵေႃႈတေႃႈၼင်ႇၼၼ်ယဝ်ႉၼွင်ႉဢိူဝ် ၵွပ်ႈဢမ်ႇမီးမၵ်းလၵ်ႉမၢႆလႄႈ ယဵၼ်ႉၸႂ်ဢွၼ်ၼွင်ႉသေဢဵၼ်ႉလႃႇ ယႃႇပေႁႆႈၼႃႈၼွင်ႈဢိူၺ်....
** (သမ်ႉ) တူၺ်းလူးၼၢင်းဢူၺ်း မွၵ်ႇၵုမ်ႈယူႇသုင် ပေႃးလူမ်းထွင်းမႃးၸုင်မၼ်းၵႂႃႇ
မၼ်းတၵ်ႉမီးဝႃႈဢမ်ႇၶိုၼ်းမႃးယဝ်ႉၼႃ ႁူႉပွင်ႇလႅင်းၼႃႇၸၢႆးမၢဝ်ႇဝႃႈ
ႁိုဝး ႁိုဝ်. ...........
