Friday, February 14, 2014

ဢၢင်ႈဢိင် resource drawble

သိုပ်ႇၵႂႃႇၼႆႉထႅင်ႈၵေႃႈႁဝ်းမႃးတူၺ်းလၢႆးၵႄဢၼ် qwerty.xml ႁွင်ႉႁႃ @drawable/.....  ၼၼ်ႉၶႃႈ

ဢွၼ်တၢင်းသုတ်းတူၺ်းတီႈၶီးၿွတ်ႇ qwerty.xml ႁဝ်းၼၼ်ႉၶႃႈ ႁဝ်းတေႁၼ်ၶိူင်ႈမၢႆလႅင်လႅင်ဝႆႉ မၼ်းပဵၼ်
ၵွပ်ႈဝႃႈ android ႁွင်ႉႁႃ resource @drawable မၼ်းၶႃႈ လၢတ်ႈထႅင်ႈမဵဝ်းၼိုင်ၵေႃႈ မၼ်းႁွင်ႉႁႃတီႈဢၢင်ႈ
ဢိင်ၶႅပ်းႁၢင်ႈ resource မၼ်းၶႃႈ

ဢမ်ႇယၢပ်ႇ... ႁဝ်းတေလႆႈသႂ်ႇၶႅပ်းႁၢင်ႈဢၼ် android လူဝ်ႇၼၼ်ႉတီႈ folder drawable ၼၼ်ႉၶႃႈ
ဢွၼ်တၢင်းသုတ်းၶဝ်ႈၵႂႃႇတီႈ folder res > drawable တေႁၼ်ဝႃႈမီး folder drawable ယူႇလၢႆဢၼ်
မၼ်းပဵၼ် folder android ၶိုင်ဝႆႉပၼ်တႃႇႁဝ်းတေဢဝ်ၶႅပ်းႁၢင်ႈသႂ်ႇၼႂ်းဢႅပ်ႉႁဝ်းၼၼ်ႉၶႃႈ။


ၵႂႃႇသွၵ်ႈႁႃတီႈတူဝ်ယၢင်ႇ sample soft keyboard ၼၼ်ႉၶႃႈ ၶဝ်ႈၵႂႃႇတီႈ res drawable ၼႂ်း folder
လၢႆလၢႆဢၼ် ယဝ်ႉၵေႃႈၶိုၼ်းထုတ်ႇဢဝ်မႃးဝၢင်းဝႆႉတီႈ folder drawable ဢႅပ်ႉႁဝ်းၼၼ်ႉၶႃႈ ဢဝ်မႃးတီႈ
folder ဢၼ်လႂ်ၵေႃႈႁႂ်ႈဢဝ်မႃးဝၢင်းၸွမ်းၸိုဝ်ႈမၼ်းႁႂ်ႈမိူၼ်ၵၼ်။

ၶႅပ်းႁၢင်ႈဢၼ်ၵႂႃႇထုတ်ႇဢဝ်မႃးၼၼ်ႉတေပဵၼ် icon ၸိူင်ႉၼႆ
 လၢႆးဢဝ်မၼ်းၼႆၵေႃႈဢမ်ႇယၢပ်ႇ တဵၵ်းၵုမ်ဢဝ်တၢင်းသဵင်ႈယဝ်ႉၵေႃႈထုတ်ႇ copy ဢဝ်မႃး


ပေႃးလႆႈမႃးယဝ်ႉၵေႃႈ ၶႅၼ်းတေႃႈဢဝ်မႃးဝၢင်းၸွမ်း folder လႂ် folder ၼၼ်ႉ

ပေႃးယဝ်ႉယဝ်ႉၵေႃႈတဵၵ်းတွင်း save ဝႆႉ တေႁၼ်ဝႃႈၶိူင်ႈမၢႆတွႆႇတိူၼ်လႅင်လႅင်ၼၼ်ႉၵေႃႈတေႁၢႆၵႂႃႇ

ၵႂႃႇတူၺ်းတီႈ qwerty.xml ဢမ်ႇႁၼ်ၶိူင်ႈမၢႆတိူၼ်လႅင်လႅင်းယဝ်ႉ 

တွၼ်ႈတႃႇ symbols.xml လႄႈ symbols_shift.xml ၵေႃႈတေလႆႈတႅမ်ႈပၼ်ထႅင်ႈယူႇ ၵူၺ်းၵႃႈၽႂ်
ႁိပ်ႈၼႅတ်ႈၼႆၵေႃႈတေသိုပ်ႇၸၢမ်းႁဵတ်းၸၢမ်းၶိုင်ဢဝ်ႁၢင်းၵူၺ်းၵေႃႈလႆႈယူႇၶႃႈ လၢႆးမၼ်းမိူၼ်ၵၼ်တၢင်း
qwerty.xml ၼၼ်ၶႃႈယဝ်ႈ။