ပိုၼ်ၽေႈလိၵ်ႈမႁႃႇသၢင်းၵျၢၼ်ႇ 1376 ၼီႈ 2014

လိၵ်ႈမႁႃႇသၢင်းၵျၢၼ်ႇ 1376 ၼီႈ 2014

***သၢင်းၵျၢၼ်ႇတူၵ်း

သၢင်းၵျၢၼ်ႇတူၵ်းၸမ်ႉ >> ၵေႃးၸႃႇသၵ်ႈၵရဵတ်ႈ 1375 ၼီႈ၊ လိူၼ်ႁႃႈမႂ်ႇ 15 ၶမ်ႈ၊ (လူိၼ်ႁႃႈမူၼ်း)။ ပီၶရိတ်ႉ
2014 ၶူႉ လိူၼ်ဢေႇပျီႇ 14 ဝၼ်း ဝၼ်းတၼၢင်းလႃႇ ၵၢင်ၼႂ်ၶၢဝ်းယၢမ်း 10 မွင်းပၢႆ 18 မၼိတ်ႉ  39 ၸႅတ်ႉ
ၵၢၼ်ႉ သၢင်းၵျၢၼ်ႇတူၵ်းယဝ်ႈ၊ 1375 ၼီႈ၊ လိူၼ်ႁႃႈလွင်ႈ ၶမ်ႈၼိုင်ႈ ဝၼ်းဢႅင်ႇၵႃႇဝၼ်းၼဝ်ႈ ဝၼ်းၵျၢပ်ႈ ၵျၢပ်ႈ
ဝၼ်းၼိုင်ႈ။

***သၢင်းၵျၢၼ်ႇၶိုၼ်ႈ 

သၢင်းၵျၢၼ်ႇၶိုၼ်ႈၸမ်ႉ >> 1375 ၼီႈ၊ လိူၼ်ႁႃႈလွင်ႈ 2 ၶမ်ႈ 2014 ၶူႉ လိူၼ်ဢေႇပျီႇ 16 ဝၼ်း ဝၼ်း ပုၵ်ႈတ
ႁူးဝၢႆးဝၼ်း 2 မွင်း 23 မၼိတ်ႉ 20 ၸႅတ်ႉၵၢၼ်ႉၼၼ်ႉသၢင်းၵျၢၼ်ႇၶိုၼ်ႈယဝ်ႈ။ 1376 ၼီႈ၊ လိူၼ် ႁႃႈလွင်ႈ 3 ၶမ်ႈ၊
ဝၼ်းၵျႃႇတေး ဢတႃႇတႂၢၵ်ႈ (475) ဝၼ်း၊ ၸေႉတဵမ်ယဝ်ႉ ၸွင်ႇလႆႈၶၢႆႉၶဝ်ႈၵႂႃႇႁွင်ႉဝႃႈ ပီမႂ်ႇသႂ်ႇၸိုဝ်ႈ ၸၵႂႃႇဝၼ်း
ၼိုင်ႈၼႆယူႇယဝ်ႈ။

***ပၼူႉယႃႇၸႃႇ ၶုၼ်တၼၢင်းၼူၺ်ႇၵျူဝ်ႇ

ပၼူႉယႃႇၸႃႇ ၶုၼ်တၼၢင်းၼူၺ်ႇၵျူဝ်ႇၼၼ်ႉ  ၼုင်ႈသေသိူဝ်ႈၽႃႈသီဢယွင်ႇ မိူၼ်ၼင်ႇၼမ်ႉၼူမ်း ၼၼ်ႉသေ ၶီႇငူး
လတ်းၸူးၸဵင်ႇႁွင်ႇဝၼ်းတူၵ်းပူၵ်းႁူဝ်လႄႈႉတူဝ်ၵႂႃႇၸူးတၢင်းၸၢၼ်းသိုဝ်ႈသိုဝ်ႈ ယူႇယဝ်ႈ၊ မိုဝ်းၶွၼ်ၼိုင်ႈယိပ်းၶွၼ်ႉ
ဝၢႆသႅင်ဢေမွင်း၊ ၶွၼ်ၼိုင်ႈယိပ်းၶေႃလဵၵ်းငွၵ်း၊ ၵျွၵ်းထိုင်တၢင်း ၽီၵၢၼ်ႇၺႃႇတေႇဝီႇ ဢလႄႉၸေႉယဝ်ႉ။ ဢၼ်ပဵၼ်
ၶုၼ်ၽီလူင်ႇပရႃႉမေတႂႃႇ ၸိုဝ်ႈဝႃႈဢႃႇတီႇ ၼၼ်ႉ၊ ၸွင်ႇဢဝ်ၵွၵ်းႁူဝ်ၶုၼ်သၢင်းၵျၢၼ်ႇ ယိုၼ်ႈထမ်ႇသီႇတေႇဝီႇ ထမ်ႇ
သီႇတေႇဝီႇၵေႃႈႁပ်ႉဢဝ်ယိုၼ်ႈပၼ်၊ ၵေႃးရသႃႉတေႇဝီႇ၊ ၼၢင်းၽီၵေႃးရသႃႉတေႇဝီႇၵေႃႈၸွင်ႇမႄးႁၢင်ႈၶိူင်ႈ လၢႆႈၶူဝ်း
ဢလွင်ႇႁႃႈပိူင်၊ လိူင်လႅင်ၶဵဝ်သွမ်ႇၽိူၵ်ႇသေလႄႈႁပ်ႉႁွပ်ႇဢုမ်ႈဢဝ်ၵွၵ်းႁူဝ်ၶုၼ် သၢင်းၵျၢၼ်ႇဝႆႉ ယူႇယဝ်ႈ။

***လွင်ႈၾႃႉၾူၼ်

ၵွပ်ႈၼႆၸွင်ႇဝႃႈပီၼႆႉ၊ ၾူၼ်ႁူဝ်ပီဢမ်ႇလီ ၵၢင်ပီႁၢင်ပီ လီ၊ ၵူၼ်းမိူင်း တၢင်းၶႆႈတၢင်းပဵၼ်ယႂ်ႇၼမ် လႄႈၸၢင်ႈထူပ်း
ဢူးပၢတ်ႈ၊ ၶုၼ်ၶဝ်တေတေၵ်းတဵင်ၵူၼ်းမိူင်း၊ ၽူႈယိင်းၶဝ်ၸၢင်ႈႁဵတ်းဢမူႉ တေႃႇၵၼ်၊ ငူးတေလိူင်ႇ မိူင်းမြၢၼ်ႇမႃႇ
တေသုၵ်ႉယုင်ႈ။ ၵိူဝ်လႄႈယႃႈယႃဢမ်ႇလိူင်ႇ။ ၼႆႉပဵၼ် ဢလူဝ်ႇသၢင်းၵျၢၼ်ႇႁေႃးမႃးယဝ်ႈ။

***ၵူၼ်းၸဵတ်းလုၵ်ႈဝၼ်းလႄႈၵၢၼ်သုၵ်ႈၵဝ်ႈသၢႆႇႁူဝ်
ပီၼႆႉၵူၼ်းဝၼ်းပုၵ်ႈတႁူး "ၵိၼ််တႃႇ"

တႃႇလူဝ်ႇသုၵ်ႈႁူဝ်ၸမ်း >> ၵူၼ်းလုၵ်ႈဝၼ်းတၼၢင်းၼူၺ်ႇ ၵႂႃႇယူႇတီႈၸဵင်ႇႁွင်ႇဝၼ်းဢွၵ်ႇ ဝၢႆႇၸူးၸဵင်ႇၸၢၼ်းဝၼ်း
တူၵ်း သူးတွင်းယွၼ်းဢဝ်ၵႃႈလူဝ်ႇၵႃႈၵျိူၵ်ႈသေသုၵ်ႈႁူဝ်ဝၼ်းၵျၢပ်ႈၼၼ်ႉတႃႉ။ ၵူၼ်းလုၵ်ႈဝၼ်းတၼၢင်းလႃႇၸမ်း၊
ၵႂႃႇယူႇတီႈတၢင်းဢွၵ်ႇသေ ဝၢႆႇၼႃႈၵႂႃႇတၢင်းတူၵ်း၊ ၵူၼ်းလုၵ်ႈဝၼ်းဢႅင်ႇၵႃႇ၊ ၵႂႃႇယူႇတီႈၸဵင်ႇၸၢၼ်းဝၼ်းဢွၵ်ႇဝၢႆႇ
ၸူးၸဵင်ႇႁွင်ႇဝၼ်းတူၵ်း၊ ၵူၼ်း လုၵ်ႈဝၼ်းၵျၢႇတေး၊ ၵႂႃႇယူႇတီႈၼႃႈတၢင်းတူၵ်း ဝၢႆႇၸူးၼႃႈတၢင်းဢွၵ်ႇ၊ ၵူၼ်းလုၵ်ႈ
ဝၼ်းသွၵ်ႉၵျႃႇ၊ ၵႂႃႇယူႇတီႈတၢင်းႁွင်ႇ ဝၢႆႇၼႃႈၸူးတၢင်းၸၢၼ်း၊ ၵူၼ်းလုၵ်ႈဝၼ်းၸၼေႇ၊ၵႂႃႇယူႇ တီႈၸဵင်ႇၸၢၼ်းဝၼ်း
တူၵ်း ဝၢႆႇၼႃႈၸူးၸဵင်ႇႁွင်ႇဝၼ်းဢွၵ်ႇ၊ ၵူၼ်းလုၵ်ႈဝၼ်းယႃႇႁူႉ၊ယူႇတီႈၸဵင်ႇႁွင်ႇဝၼ်းတူၵ်းဝၢႆႇၼႃႈၵႂႃႇ တၢင်းၸဵင်ႇ
ၸၢၼ်းဝၼ်းဢွၵ်ႇ၊ ၸႃႉၶဝ်ၼႆႉလူဝ်ႇသုၵ်ႈႁူဝ် (ဝၼ်းသၢင်းၵျၢၼ်ႇတူၵ်း) ယဝ်ႉ တၢၼ်ႇတၢၼ်ႇ  လႆႈ 24 မၼိတ်ႉၼၼ်ႉ
သူးတွင်းတိူင်ႇၵၢဝ်ႇၵႃႈမေႃၸႂ်သေ သုၵ်ႈႁူဝ်တႃႉ။ ၵူၼ်းလုၵ်ႈဝၼ်းပုၵ်ႈတႁူး ပိူဝ်ႈဝႃႈၵိၼ်တႃႇလႄႈ၊ ႁႂ်ႈဝၢႆႇၼႃႈၵႂႃႇ
ၸူး ( xxx) ၸဵင်ႇႁွင်ႇဝၼ်းတူၵ်းသေ ၵိၼ်တႃႇမိူဝ်ႈဝၼ်းပီမႂ်ႇၼၼ်ႉ လီယဝ်ႈ။

***မွၵ်ႇသုၵ်ႁူဝ်လႄႈ ဢမူႉဢမ်ႇလီႁဵတ်းသိပ်းပိူင်ၸမ်း 

မိူၼ်ၵၼ်ၵူႈပီယဝ်ႈ။

ဢတႃႇတႂၢၵ်ႈၸမ်း >> သၵ်ႈၵရဵတ်ႈ 1375 ၼီႈ လိူၼ်ႁႃႈလွင်ႈ 2 ၶမ်ႈ ပီၵႃးလႃး 2014 ၶူႉ၊ လိူၼ် ဢေႇပျီႇ 16  ဝၼ်း၊
ဝၼ်းပုၵ်ႈတႁူးဝၢႆးဝၼ်း 2 မွင်း 23 မၼိတ်ႉ 20 ၸဵတ်ႉၵၢၼ်ႉ၊ မႅၼ်ႈမိူဝ်ႈတဵင်ႇ ယႃႇသီႇတုၵ်ႉတႃႉလၢၵ်ႈ၊  တူႉယႃႇသီႇ
တုၵ်ႉတႃႉၸၢၼ်း၊ ပထမႃႉတၼၢင်းၼူၺ်ႇႁေႃးရၢတ်ႉ၊ တၼၢင်း ၼူၺ်ႇ တြိင်း၊ သွၵ်ႈၵျႃႇ တႂႃႇတႃႉတိၼ်း ၸၼေႇ တိင်ႇ
တိၼ်း၊ လၢၵ်ႈၸီးၼၢၵ်ႈၶၢတ်ႈ 9 လုၵ်ႈ 2 ပၢတ်ႈ 3 ၵတီႇ 36 ဝိၵတိပူၼ်ႉလိူဝ် လၢၵ်ႈၸီး သေယဝ်ႉ ၸွင်ႇလႆႈယဵပ်ႇၶဝ်ႈ
ၵႂႃႇၼႂ်းပီမႂ်ႇ 1376 ၼီႈ၊ ၼႆယဝ်ႈ။ ၸိုဝ်ႈပီၸမ်း ထဵင်ႇမၢတ်ႈပီယဝ်ႈ "ပီ" မႃႉပႂ်ႉ "လိူၼ်" ၵႆႇပႂ်ႉ၊ "ဝၼ်း" ၼူပႂ်ႉ "လိၼ်"
ဢႅၵ်ႉၵႃႉသလေႃး ၽီလူးပႂ်ႉ၊ "ၵွင်းၵၢင်ႇၵၢင်ႁၢဝ်" ၽီၵုင်ႇၽၢၼ်ႇပႂ်ႉ "ၼမ်ႉ" ပႃးၵႄးပႂ်ႉ၊ "ၾူၼ်" မႃႉမျီးပႂ်ႉ “ထိူၼ်ႇ” ၵႆႇ
ထိူၼ်ႇပႂ်ႉ၊ "ဢထီႇပတီႇၵူၼ်းႁဝ်း" ၶုၼ်ပဵၼ်ၸဝ်ႈ၊ "တူဝ်သီႇတိၼ်" မႃႉပဵၼ်ၸဝ်ႈ၊ "တူဝ်သွင်တိၼ်" ၼူၵ်ႉတွင်ႉလေႃး
ပဵၼ်ၸဝ်ႈ၊ "မႆႉၸိင်ႇတၢင်းလူင်" မႆႉသၢင်းဝၢင်ႇပဵၼ်ၸဝ်ႈ၊ "မႆႉၵူင်တၢင်းလူင်"  မႆႉႁူၵ်းၶိူဝ်းပဵၼ်ၸဝ်ႈ၊ "ယိူဝ်ႈယႃႈတၢင်း
လူင်" ၵဵင်ႁွမ်ပဵၼ်ၸဝ်ႈ၊ ၼၢၵ်ႈၶၢတ်ႈ 9 လုၵ်ႈပေႃႇ 8 လုၵ်ႈၸူမ်၊ ၶွၼ်ႇၼမ်ႉမၼ်းလိၼ်လီ၊ မၢၵ်ႇၶဝ်ႈတဝ်ႈၼမ်ႉ တၵ်း
လီ၊ ၶဝ်ႈပိူၵ်ႇတေလီတေမၢၵ်ႈ ၵူၼ်းမိူင်း တၢင်းၶႆႈတၢင်းၼၢဝ်ၼမ် ၸၢင်ႈဢွၵ်ႇမၢၵ်ႇလူမ်းမႆႈ၊ ၵူၼ်းမိူင်းတေလႆႈၶျၢမ်းသႃႇ
ၵတ်းယဵၼ်၊ ၶုၼ်ၶဝ် ၸၢင်ႈလႆႈထူပ်းၺႃးဢူးပၢတ်ႈယၢပ်ႇၸႂ်၊  တူဝ်သီႇတိၼ်တေလိူင်ႇ၊ ၸၢင်ႉမႃႉတၢင်းပဵၼ်တေၼမ်၊
လိူၼ်သီႇငိၼ်းသဵင်ၾူၼ် လိူၼ်ႁႃႈတူၵ်းမႃးယဝ်ႈ၊ ၾူၼ်တေ တူၵ်း 60 ႁႃႇ လူမ်းလႅင်ႉတေလိူင်ႇ ၾူၼ်ႁူဝ်ပီ ၵၢင်ပီ
ဢမ်ႇလီ ႁၢင်ပီလီ ၼႆႉပဵၼ်ဢလူဝ်ႇၸႅၵ်ႉၶူႉႁေႃးမႃးယဝ်ႈ၊  ၵူၼ်းၵိူတ်ႇပီၼႆႉ၊  လၵ်းလႅမ်သႅမ်းၵႃး၊ မေႃလၢတ်ႈမေႃၸႃ၊ 
ၼူႉၺၢမ်ႇဢူၼ်ႈဢွၼ်ႇ၊ ႁၢင်ႈလီၽၢင်လီ မၢၵ်ႈမီးလီပဵၼ်၊ ဢသၢၵ်ႈတၵ်းလႆႈယူႇ 80 ပီယူႇယဝ်ႈ။

ၼႆႉပဵၼ်လိၵ်ႈပိုၼ်ၽေႈမႁႃႇသၢင်းၵျၢၼ်ႇႁူဝ်ႁုပ်ႈဢၼ်ၶႃႈလႆႈဢဝ်ပိုၼ်ၽေႈၶႃႈ ပဵၼ်ၶၢဝ်းယၢမ်းဢၼ်တေလႆႈ
ၶိုင်ၵၢၼ်ၵူႉသူဝ်ႇ ၶိုၼ်ႈၵျွင်းလွင်းမွၵ်ႇ သွၼ်းၼမ်ႉၽြႃး ၵၼ်ႇတေႃးပေႃႈမႄႈ ၵူၼ်းထဝ်ႈၵူၼ်းၵႄႇ ၶဝ်ႈဝၢၼ်ႈ
ထဝ်ႈၼႃး ပီႈၼွင်ႉတီႈၸမ်တီႈၵႆႇ ၸွမ်းၼင်ႇၾိင်ႈထုင်းပူႇမွၼ်ႇၼၢႆးယႃႈႁဝ်းႁဵတ်းၶိုင်မႃးဝႆႉပၼ်ႁဝ်းၶႃႈ။

*******မႂ်ႇသုင်ၶႃႈ  ႁႂ်ႈလႆႈၵတ်းယဵၼ်ၸႂ်ၼႂ်းပွႆးသွၼ်းၼမ်ႉလိူၼ်ႁႃႈၸွမ်းၵၼ်ႈၵူႈၵေႃႉၶႃႈ။*********

ထုတ်ႇဢဝ် file input ၵႂႃႇဝၢင်းဝႆႉၼႂ်း folder layout

ၶႃႈလိုမ်းလၢတ်ႈတႅင်ႈတီႈၼိုင်ႈ ႁဝ်းထုၵ်ႇလီလႆႈၵႂႃႇထုတ်ႇဢဝ် file input ၼႂ်း sample softkeybard ၼၼ်ႉ ၵႂႃႇဝၢင်းဝႆႉ တီႈ folder layout ၶီးၿွတ်ႇၶွင်ႁဝ်း လၢႆးမၼ်းဢမ်ႇယၢပ်ႇၶႃႈၸိူင်ႉၼင်ႇႁဵတ်းမႃး ဢၼ်လႂ်ဢမ်ႇမိူၼ်ၵၼ် ႁဝ်းၵေႃႈၵႂႃႇထုတ်ႇဢဝ်မႃးဝၢင်းႁႂ်ႈမိူၼ်ၵၼ်

သိုပ်ႇၼၼ်ႉၵေႃႈတူၺ်းဝႃႈမၼ်းမီးတီႈလႂ်တိုၵ်ႉတွႆႇတိူၼ်ယူႇ ၵမ်ႈၼမ်မၼ်းတေႁွင်ႉႁႃ ၵႃႈ sring မၼ်း ဢၼ်လႂ်ဢမ်ႇမီးၼႆၵေႈ ႁဝ်းၵေႃႈထုၵ်ႇလီလႆႈႁဵတ်းႁႂ်ႈမၼ်းမိူၼ်ၵၼ် ၵွပ်ႈဝႃႈမၼ်းတေမီးၵၢၼ်ဢၢင်ႈဢိင်တီႈမႃးမၼ်းတိၵ်းတိၵ်း ဢမ်ႇဝႃႈႁဝ်းတေၶိုင်သင်ၵေႃႈယဝ်ႉ ပေႃးမၼ်းဢမ်ႇထုၵ်ႇလၢႆး မၼ်းတေတွႆႇတိူၼ်ၵၼ်တိၵ်းတိၵ်းၶႃႈ။

 ပေႃးႁဝ်းၵႂႃႇထုတ်ႇဢဝ်မႃးယဝ်ႉ ႁဝ်းတေႁၼ်ၶိူင်ႈမၢႆတွႆႇတိူၼ်လႅင်လႅင်ဝႆႉ ၶဝ်ႈၵႂႃႇလူပ်းပႅတ်ႈၸွမ်းၼင်ႇၶႅပ်းႁၢင်ႈဢၼ်ၼေဝႆႉၼၼ်ႉၶႃႈ

လၢႆးသႂၢင်း ၶျၢတ်ႉမၢၵ်ႈထၢတ်ႈႁႅင်းၾႆး ၾူၼ်းလႄႈထႅပ်ႉၿလဵတ်ႇ

လၢႆးသႂၢင်းမၢၵ်ႇထၢတ်ႈႁႅင်းၾႆးၼိူဝ်ၶိူင်ႈ ၾူၼ်းမိုဝ်းထိုဝ်လႄႈထႅပ်ႇၿလဵတ်ႇ။

ဢွၼ်တၢင်း ႁဝ်းဢွၼ်ၵၼ်မႃးႁူႉၸၵ်းလွင်ႈမၢၵ်ႇထၢတ်ႈႁႅင်းၾႆးဢၼ် ၸႂ်ႉတိုဝ်ၼိူဝ်ၾူၼ်းမိုဝ်းထိုဝ် လႄႈထႅပ်ႇၿလဵတ်ႇ ဢွၼ်တၢင်းၶႃႈ။

မၢၵ်ႇထၢတ်ႈႁႅင်းၾႆးဢၼ်ၸႂ်ႉတိုဝ်းၼိူဝ်ၶိူင်ႈၾူၼ်းမိုဝ်းထိုဝ် လႄႈ ထႅပ်ႉၿလဵတ်ႇၼၼ်ႉ ၵမ်ႈၼမ်မိူဝ်ႈလဵဝ်တေပဵၼ်မဵဝ်း Li-ion လႄႈ Li-Polymer ၶႃႈ တၢင်းသွင်မဵဝ်းမီးလၢႆးသႂၢင်းထၢတ်ႈ “ၼပ်ႉၸွမ်းတူင်ႇ ႁွပ်ႈၶျၢတ်ႉ (Cycle)” ဢမ်ႇလႆႈၼပ်ႉၸွမ်းပွၵ်ႈမၼ်းဝႃႈ လၢႆပွၵ်ႈ လၢႆ ၵမ်း လၢႆးၼပ်ႉသွၼ်ႇႁႅင်းထိပ်ႇထၢတ်ႈၾႆး တေၸႅၵ်ႇၽေဢွၵ်ႇပဵၼ် 3 သႅၼ်းၸိူင်ႉၼႆၶႃႈ 1C ပွင်ႇဝႃႈ လွင်ႈၵၢၼ်သႂၢင်းထၢတ်ႈႁႅင်းၾႆး ဢွင်ႈတီႈ ႁႅင်းၾႆးၼမ်လိူဝ် 65-70% 2C တီႈႁႅင်းၾႆး 35-60% လႄႈ 3C ႁႅင်း ထၢတ်ႈၾႆးတႅမ်ႇဢေႇလိူဝ် 30% ၵမ်ႉႁဝ်းတေမႃးတူၺ်းဝႃႈ ႁဝ်းတေ သႂၢင်းမၢၵ်ႇထၢတ်ႈၾႆးမိူဝ်ႈလႂ်တေသၢင်ႇထုၵ်ႇ ။

ၵမ်းၼႆႉႁဝ်းမႃးတူၺ်းမၢၵ်ႇထၢတ်ႈႁႅင်းၾႆး ဢၼ်ၸႂ်ႉတိုဝ်းၵၼ်မႃးမိူဝ်ႈ ဢွၼ်တၢင်းၼၼ်ႉ မၼ်းၸႂ်ႉဝႆႉထၢတ်ႈၶေးမီး Ni-Cad မၼ်းမီးလၢႆးၼပ်ႉ သွၼ်ႇ ၸွမ်းတၢင်းၼမ်ပဵၼ်ပွၵ်ႈ သင်ဝႃႈၽႂ်ယၢမ်ႈၸႂ်ႉတိုဝ်းမိုဝ်းထိုဝ်မဵဝ်း ဢၼ်ၸႂ်ႉဝႆႉထၢတ်ႈၶေးမီး Ni-Cad ႁဝ်းၵႆႉလႆႈငိၼ်းယူႇသေႇသေႇဝႃႈ ႁဝ်းတေလႆႈသႂၢင်းမၢၵ်ႇထၢတ်ႈႁႅင်းၾႆးဝႆႉ ၵမ်းပွၵ်ႈဢွၼ်တၢင်းသုတ်း ဢမ်ႇယွမ်းလိူဝ် 12-14 ၸူဝ်ႈမူင်း ပေႃးသင်ဝႃႈၶျၢတ်ႉတဵမ်ယဝ်ႉ တေ လႆႈၸႂ်ႉႁႂ်ႈမၼ်းမူတ်းလိူမ်ႈ ၸင်ႇၵွႆႈၶျၢတ်ႉမႂ်ႇထႅင်ႈ ၵွပ်ႈပိူဝ်ႈဝႃႈမၼ်း ၼပ်ႉသွၼ်ႇပဵၼ်ပွၵ်ႈပဵၼ်ၼိုင်ႈတူင်ႇႁွပ်ႈ Cycle ၸိူင်ႉၼၼ်လႄႈပေႃး ႁဝ်းၵႆႉၶျၢတ်ႉၶိူဝ်းၶိူဝ်းၵေႃႈမၼ်းတေၼပ်ႉသွၼ်ႇပဵၼ်တူင်ႇႁွပ်ႈၵူႈၵမ်း ၼမ်မႃးတိၵ်းတိၵ်း။
ၵမ်းၼႆႉပေႃးႁဝ်းၶျၢတ်ႉလၢႆပွၵ်ႈယဝ်ႉၵေႃႈ မၼ်းၸၢင်းႁဵတ်းႁႂ်ႈႁႅင်းၾႆး တူၵ်းယူပ်ႈလူင်းၵႂႃႇတိၵ်းတိၵ်း မၢင်ပွၵ်ႈၵႆႉမွတ်ႇၵႂႃႇႁၢင်းၵူၺ်း ၸႂ်ႉဢမ်ႇ ႁိုင် ၵေႃႈဢမ်ႇတူဝ်ယဝ်ႉ ႁႂ်ႈႁူႉလွင်ႈမၼ်းမွၵ်ႈၼႆႉၵူၺ်းၵွၼ်ႇၶႃႈ ၵမ်ႉၶႃႈ တေမႃးလၢတ်ႈၼေဝႃႈႁဝ်းထုၵ်ႇတေလီသႂၢင်းမၢၵ်ႇထၢတ်ႈႁႅင်းၾႆးထႅင်ႈ မိူဝ်ႈလႂ်လီ။

** ၵူၺ်းၵႃႈပေႃးပဵၼ်မၢၵ်ႇထၢတ်ႈႁႅင်းၾႆးမဵဝ်းလႂ်ၵေႃႈ တိုၼ်းဢမ်ႇ ၶၢမ်ႇတေႃႇၸူဝ်ႈလႆႈၼင်ႇၵဝ်ႇ ပွႆႇပႅတ်ႈဝႆႉၸိူင်ႉၼၼ်ၵူၺ်းၵေႃႈ မွၵ်ႈ 3-5 ပီၵေႃႈဢမ်ႇတူဝ်ယဝ်ႉ ၵွပ်ႈပိူဝ်ႈဝႃႈမၢၵ်ႇထၢတ်ႈတေၶၢႆးတူဝ် ပွႆႇ ႁႅင်းထၢတ်ႈမၼ်းဢွၵ်ႇ ယူႇႁၢင်းၵူၺ်းၸိူင်ႉၼၼ် ၸိူင်ႉၼင်ႇသၢၼ် ၶေးမီး ၼႂ်းမၢၵ်ႇထၢတ်ႈၵေႃႈတေမွတ်ႇလွင်းႁၢင်းၵူၺ်း ပေႃးႁဝ်းၸႂ်ႉ ဢမ်ႇထုၵ်ႇလၢႆးမၼ်းၼႆၵေႃႈ မၼ်းယိူင်ႈၶႅၼ်းၸဵဝ်းမွတ်ႇဝႆးလိူဝ်ၼႆႉ ထႅင်ႈ။**

လၢႆးသႂၢင်းမၢၵ်ႇထၢတ်ႈႁႅင်းၾႆး ၼင်ႇႁိုဝ်တေၸႂ်ႉတိုဝ်းလႆႈႁိုင်။
ၵမ်းၼႆႉၵေႃႈ ပေႃးသင်ဝႃႈႁဝ်းႁူႉၸၵ်းလွင်ႈမၢၵ်ႇထၢတ်ႈႁႅင်းၾႆးဝႃႈ မၼ်းမီးသင်လၢႆလၢႆ ၵမ်းၼႆႉၵေႃႈ ႁဝ်းတေမႃးတူၺ်းလၢႆးၶျၢတ်ႉ ႁႂ်ႈမၼ်းထုၵ်ႇလၢႆး ၵူၺ်းၵႃႈတေလၢတ်ႈၼေလၢႆးၶျၢတ်ႉမၢၵ်ႇထၢတ်ႈ ႁႅင်းၾႆး ဢၼ်ပဵၼ်မဵဝ်း Li-ion လႄႈ Li-Polymer ၵူၺ်းၶႃႈ ၵွပ်ႈဝႃႈ ၵမ်ႈၼမ်ၼႆၵေႃႈတေၸႂ်ႉမၢၵ်ႇထၢတ်ႈၸိူဝ်းၼႆႉၵမ်ႈၼမ်ယူႇ။

1. ထုၵ်ႇလီၶျၢတ်ႉၾႆးမိူဝ်းႁႅင်းမၢၵ်ႇထၢတ်ႈႁဝ်းၼၼ်ႉ မိူဝ်ႈႁႅင်းၾႆး တိုၵ်ႉ မီးယူႇတီႈ 65-70% (1C) တေလီသုတ်းၶႃႈ ၵူၺ်းၵႃႈၵမ်ႈၼမ် တေ ၶျၢတ်ႉ မိူဝ်ႈမၢၵ်ႇထၢတ်ႈႁႅင်းၾႆးယူႇတီႈ 35-60 (2C) ၵူၺ်းၵႃႈ မၼ်းၵေႃႈ လႆႈယူႇ ၵမ်ႈၼမ်ၶႃႈၵေႃႈၵႆႉၶျၢတ်ႉမိူဝ်ႈႁႅင်းၾႆးမွၵ်ႈၼႆႉ ၶႃႈယဝ်ႈ ၵမ်းၼႆႉ ႁဝ်းမႃးတူၺ်းလွင်ႈဢၼ်ပိူၼ်ႈလႆႈၸၢမ်းၶျၢတ်ႉ ထႅင်ႈႁႅင်းထၢတ်ႈၾႆးၼႂ်းႁွင်ႈထူတ်ႉလွင်း (ႁွင်ႈၸၢမ်းထၢတ်ႈ) ဢၼ် ၼွၵ်ႈမိူင်းလႆႈၸၢမ်းဝႆႉၼၼ်ႉ မႃးလၢတ်ႈၼေ ၶဝ်လႆႈၸၢမ်းၶျၢတ်ႉ တူၺ်းတီႈႁႅင်းၾႆးသႅၼ်း 3C ႁႅင်း ၾႆးတႅမ်ႇဢေႇလိူဝ် 30% ပိူၼ် လႆႈ ၸၢမ်းထတ်းတူၺ်းယဝ်ႉဝႃႈတေလႆႈ ယူႇမွၵ်ႈ 300 တူင်ႇႁွပ်ႈ Cycle ၵူၺ်းၵႃႈ ပေႃးၶျၢတ်ႉမၢၵ်ႇထၢတ်ႈႁႅင်းၾႆးတီႈ 1C, 2C တေ လႆႈတူင်ႇႁွပ်ႈ Cycle 400-500 တူင်ႇႁွပ်ႈ ၵမ်း ၼၼ်ႉၵေႃႈၸင်ႇ လႆႈထတ်းသၢင်ႁူဝ်ႁုပ်ႈမၼ်းယဝ်ႉဝႃႈႁဝ်းဢမ်ႇလီသႂၢင်းၶျၢတ်ႉမၢၵ်ႇ ထၢတ်ႈႁႅင်းၾႆး မိူဝ်ႈႁႅင်းၾႆးၼၼ်ႉတႅမ်ႇလိူဝ် 30% ၵမ်ႉမၢၵ်ႇထၢတ်ႈ ႁႅင်းၾႆးႁဝ်းတေယူပ်ႈၸဵဝ်းမွတ်ႇဝႆး။

2. ၶႂ်ႈၶျၢတ်ႉမိူဝ်ႈလႂ်ၵေႃႈၶျၢတ်ႉ (ၸွမ်းၶေႃႈတီႈ 1) ယဝ်ႉၵေႃႈယႃႇပေ ၸႂ်ႉမၢၵ်ႇထၢတ်ႈပေႃးမူတ်းလိူမ်ႈတိူင်တိူင် ထၢၼ်ႈပေႃးပိုတ်ႇၶိူင်ႈဢမ်ႇ လႆႈ (မွတ်ႇၵႂႃႇႁၢင်းၵူၺ်း) မၼ်းတေႁဵတ်းႁႂ်ႈမၢၵ်ႇထၢတ်ႈႁဝ်းၼၼ်ႉ ၸဵဝ်းၵွႆဝႆးၼႃႇ ။
3. ပေႃးသင်ဝႃႈ ႁဝ်းဢမ်ႇလႆႈၸႂ်ႉၶိူင်ႈႁဝ်းႁိုင်ႁိုင်ၼႆၵေႃႈ ႁႂ်ႈလႆႈထွတ်ႇ ဢဝ်မၢၵ်ႇထၢတ်ႈမၼ်းဢွၵ်ႇဝႆႉ ႁႂ်ႈလိူဝ်ႁႅင်းၾႆးတႃႇမွၵ်ႈ 40% ယဝ်ႉ ၵေႃႈ ႁႂ်ႈလႆႈဢဝ်ၵဵပ်းသိမ်းဝႆႉတီႈၵတ်း ဢမ်ႇမီးဢၢႆႁိူဝ်ႇဢၢႆမိုၵ်း လွင်ႈ 40% ၼႆႉလုၵ်ႉမႃးတီႈ ႁွင်ႈထူတ်ႉလွင်းၸၢမ်းတူၺ်းၼၼ်ႉၶႃႈယဝ်ႈ။

4. ၾူၼ်းမိုဝ်းထိုဝ်လႄႈထႅပ်ႉၿလဵတ်ႇ ဢၼ်ပိူၼ်ႈႁဵတ်းဢွၵ်ႇမႃးၼၼ်ႉ မၼ်းမီးလၢႆးတတ်းၾႆးဢေႃႇတေႃႇ ႁၢင်းၵူၺ်း ပေႃးသင်ဝႃႈႁဝ်းသႂၢင်း ၶျၢတ်ႉ မၢၵ်ႇထၢတ်ႈႁႅင်းၾႆးတဵမ်ႁူဝ်ပၢၵ်ႇ 100% ယဝ်ႉၵေႃႈမၼ်းတေ ၸၢင်ႈတေႃႇၾႆးၶဝ်ႈၶိူင်ႈႁဝ်းၵမ်းသိုဝ်ႈ သင်ဝႃႈႁဝ်းဢမ်ႇလႆႈထွတ်ႇသၢႆ ၶျၢတ်ႉမၼ်းဢွၵ်ႇ မၼ်းၵေႃႈတေၸႂ်ႉတိုဝ်းၾႆးဢၼ်မႃးၸွမ်းသၢႆၼၼ်ႉ ၶႃႈယဝ်ႈ ဢမ်ႇလႆႈၸႂ်ႉတိုဝ်းမၢၵ်ႇထၢတ်ႈ ၸွင်ႇဝႃႈပေႃးႁဝ်းတေႃႇသၢႆ ၶျၢတ်ႉမၼ်းဝႆႉယဝ်ႉၵေႃႈသိုပ်ႇလဵၼ်ႈယူႇၸိူင်ႉၼၼ် ႁဵတ်းၼၼ်ႉလႄႈ မၼ်းၸၢင်ႈဢမ်ႇတဵမ်သေပွၵ်ႈ ၵွပ်ႈပိူဝ်ႈဝႃႈၾႆးမၼ်းၵႂႃႇလဵင်ႉၶိူင်ႈႁဝ်း ဢွၼ်တၢင်း တီႈဢၼ်ႁဝ်းႁၼ်မႅၼ်ႈ ၸိူင်ႉ ၼင်ႇႁၢင်ႈၾႃႉၽႃႇမိူဝ်ႈ ႁဝ်းသဵပ်ႇသၢႆၶျၢတ်ႉၼၼ်ႉၶႃႈယဝ်ႈ ပေႃးသင်ဝႃႈ ႁႅင်းထၢတ်ႈၾႆးမၼ်း လူတ်းယွမ်းလူင်းလိူဝ် 90% မၼ်းၵေႃႈတေၶိုၼ်းသႂၢင်းၶျၢတ်ႉၾႆးၶဝ်ႈ ၶဝ်ႈၶိုၼ်းၼၼ်ႉၵူၺ်းၶႃႈ

5. ႁဝ်းထုၵ်ႇလႆႈၸႂ်ႉသၢႆၶျၢတ်ႉဢၼ်ပဵၼ်ၶွင်တႄႉမၼ်း ဢမ်ႇလီဢဝ်သၢႆ ၶျၢတ်ႉဢၼ်ၵႅၵ်းဢၼ်ပွမ် ၵမ်ႈၼမ်ပေႃးႁဝ်းၸူးငၢႆႈ ၵႃႈပေႃး ႁဝ်းၵေႃႈ ဝႃႈမၼ်းသၢင်ႇထုၵ်ႇယဝ်ႉ တီႈတႄႉမၼ်းဢမ်ႇထုၵ်ႇလီပဵၼ် လူဝ်ႇၸႂ်ႉ ဢၼ်လီလီမၼ်းယူႇ ၵမ်ႈၼမ်သၢႆ micro-usb ၶွင် nokia ၼၼ်ႉ ၸၢင်ႈ ပဵၼ်ဢၼ်လီ ယဝ်ႉၵေႃႈဢမ်ႇသူထူပ်းပၼ်ႁႃၵႃႈႁိုဝ် မၢင်ၵေႃႉၵႂႃႇၵဵပ်း လႆႈၶွင်ယွၵ်းပိူၼ်ႈမႃး ဢဝ်မႃးၸႂ်ႉတိုဝ်း ၵႆႉလႆႈငိၼ်းယူႇဝႃႈမၢၵ်ႇထၢတ်ႈ တႅၵ်ႈ ၾႆးလုၵ်ႉမႆႈ။

6. ပေႃးသတိလႆႈ မဝ်ႇလီဢဝ်မၢၵ်ႇထၢတ်ႈတူၵ်းတီႈသုင် ထၢၼ်ႈပေႃး လုၵွႆ မၼ်းၸၢင်ႈႁဵတ်းႁႂ်ႈသၢၼ်ၶေးမီးဢၼ်မီးယူႇၼႂ်းမၢၵ်ႇထၢတ်ႈ ၼၼ်ႉႁူဝ်ႈ လုၵွႆ ဢမ်ႇၼၼ်ၵေႃႈသၢႆတေႃႇမၢၵ်ႇထၢတ်ႈလုတ်ႈၶၢတ်ႇ မၼ်းၸၢင်ႈပဵၼ်လႆႈဝႃႈတီႈၸမ်ႈတီႈတေႃႇၾႆးမၼ်းဢမ်ႇငီႇလီ ၸၢင်ႈႁဵတ်းႁႂ်ႈၾူၼ်းမိုဝ်းထိုဝ်လႄႈထႅပ်ႉၿလဵတ်ႇႁဝ်းလုၵွႆလႆႈထႅင်ႈ။

7, မိူဝ်းႁဝ်းတေၶျၢတ်ႉၼၼ်ႉ ထုၵ်ႇလီဢဝ် Adapter ဢမ်ႇၼၼ်ႁူဝ် ပလၵ်ႉ Plug ၵႂႃႇသဵပ်ႇတီႈႁူးသၢႆၾႆးၾႃႉဢွၼ်တၢင်း ၵမ်းၼၼ်ႉယဝ်ႉ ၵေႃႈၸင်ႇၵွႆႈဢဝ်ႁူဝ်ၶျၢတ်ႉၼၼ်ႉမႃးသဵပ်ႇသႂ်ႇတီႈၾူၼ်းမိုဝ်းထိုဝ်ဢမ်ႇ ၼၼ်ထႅပ်ႉၿလဵတ်ႇထႅင်ႈၵမ်းၼိုင်ႈ ၵွပ်ႈပိူဝ်ႈဝႃႈမၼ်းၸၢင်ႈႁေႉၵင်ႈ လွင်ႈ ၾႆးၶိၶၶဝ်ႈၼႂ်းၾူၼ်းမိုဝ်းထိုဝ်ႁဝ်းၵမ်းလဵဝ် မၼ်းၸၢင်ႈသပၢၵ်ႉ ပဵၼ်ၾႆးမၢပ်ႈဝႆႉ Spark။

8. ထႅင်ႈလွင်ႈၼိုင်ႈဢမ်ႇထုၵ်ႇလီပွႆႈႁႂ်ႈၶိူင်ႈၾူၼ်းလႄႈ ထႅပ်ႉၿလဵတ်ႇႁဝ်းၼႆႉမႆႈၼႃႇပူၼ်ႉတီႈ ဢမ်ႇဝႃႈတေပဵၼ်မိူဝ်ႈႁဝ်း ၸႂ်ႉတိုဝ်းဢၼ်ၸႂ်ႉႁႅင်းမၢၵ်ႇထၢတ်ႈၼၼ်ႉသဵင်ႈမူတ်းဝႆး ၸိူင်ႉၼင်ႇလဵၼ်ႈၵဵမ်း လဵၼ်ႈသင်ၵေႃႈယဝ်ႉ ပေႃးသင်ဝႃႈမၼ်းမႆႈၼႃႇဢႃးလႃး ထုၵ်ႇလီလိုဝ်ႈယင်ႉဝႆႉၵမ်းၼိုင်ႈ ယဝ်ႉၵေႃႈမိူဝ်ႈႁဝ်းသႂၢင်း ၶျၢတ်ႉမၢၵ်ႇထၢတ်ႈႁႅင်းၾႆးၼၼ်ႉ ပေႃးမၼ်းမႆႈၼႃႇ လူဝ်ႇလႆႈလိုဝ်ႈယင်ႉၵမ်းၼိုင်ႈ ပေႃးႁဝ်းၵျၢမ်ႇၶျၢတ်ႉၵႂႃႇတိၵ်းတိၵ်း ၵူဝ်မၼ်းပဵၼ်ၽေး မၢၵ်ႇထၢတ်ႈၸၢင်ႈတႅၵ်ႇ ဢၼ်ႁဝ်းၵႆႉလႆႈငိၼ်းၶၢဝ်ႇမၼ်းယူႇၼၼ်ႉၶႃႈ။

9. ၶေႃႈလူပ်းလိုၼ်း ႁူဝ်ႁုပ်ႈမၼ်းၵေႃႈ  ထုၵ်ႇလီၶျၢတ်ႉၾႆးမိူဝ်ႈႁဵင်းမၼ်းလိူဝ် 30% ပေႃးတႅမ်ႇလိူဝ်ၼႆႉဢမ်ႇထုၵ်ႇလီၶျၢတ်ႉ  ၵွပ်ႈဝႃႈၵူဝ်ႁႅင်းၾႆးမၼ်းတူၵ်းဢမ်ႇၵုမ်ႇထူၼ်ႈ  ယဝ်ႉၵေႃႈပေႃးႁဝ်းပွႆႇႁႂ်ႈၾႆးမၼ်းမူတ်ႉ  မၼ်းၸၢင်ႈၸႂ်ႉၶၢဝ်းယၢမ်းႁိုင်တႃႇတေၶျၢတ်ႉႁႂ်ႈမၼ်းတဵမ် ။

ၵူၺ်းၵႃႈဢမ်ႇထုၵ်ႇလီမႆႈၸႂ်လူင်လၢင်လွင်ႈၵၢၼ်ၸႂ်ႉတိုဝ်းၶိူင်ႈၸႂ်ႉၸိူဝ်းၼႆႉ ၸိူင်ႉႁိုဝ်ၼႆၵေႃႈလုမ်းတႃႇတၢၼ်ႁိုဝ် ဝၼ်းၼိုင်ႈၸဝ်ႉၸဝ်ႉ မၼ်း ၵေႃႈ ၸၢင်ႈလုၵွႆၵႂႃႇႁၢင်းၵူၺ်းမၼ်းယူႇ သင်ဝႃႈႁဝ်းမေႃလုမ်းလႃးမၼ်း ၼႆၵေႃႈ မၼ်းတေၶၢမ်ႇပၼ်ႁဝ်းၵူၺ်းၼၼ်ႉၼင်ႇၵဝ်ႇ ။
ၵမ်းၼႆႉၵေႃႈပေႃးႁူႉလၢႆးမၼ်းယဝ်ႉၵေႃႈ ႁႂ်ႈလႆႈၵျၢင်ႉလီၵႂႃႇတၢင်းၼႃႈ ယူဝ်ၸၢင်ႈႁဵတ်းႁႂ်ႈၾူၼ်းႁဝ်းၼၼ်ႉၶၢမ်ႇ မၢၵ်ႇထၢတ်ႈၸႂ်ႉလႆႈႁိုင် တီႈ တႄႉၵေႃႈမၼ်းလီတေႃႇၸဝ်ႈၵဝ်ႇၵူၺ်းၼင်ႇၵဝ်ႇ ႁဝ်းၵေႃႈ တေ သႃႇငိုၼ်းႁဝ်းၵူၺ်းၼၼ်ႉယဝ်ႈ။
မႂ်ႇသုင်ၶႃႈ။

ထႅင်ႈၶူတ်ႉ R.java

ၵမ်းၼႆႉပေႃးသင်ဝႃႈလႆႈၵႄႈမေးၶူတ်ႉၵူႈတီႈယဝ်ႉယင်းတိုၵ်ႉႁၼ်မီးၶိူင်ႈမၢႆတွႆႇတိူၼ်လႅင်လႅင်ယူႇ
ၼႆႉၸိုင် ႁဝ်းတေလႆႈထႅင်ႈၶူတ်ႉ R.java လူင်းၼႂ်းၶီးၿွတ်ႇႁဝ်း ယုမ်ႇယမ်ဝႃႈတေၸၢင်ႈထိုင်တီႈ
မၼ်းယူႇ လၢႆးမၼ်းၼႆၵေႃႈဢမ်ႇယၢပ်ႇ ၵႂႃႇထုတ်ႇဢဝ် R.java ၼႂ်းတူဝ်ယၢင်ႇ softkeyboard
ၼၼ်ႉမႃးဝၢင်းတၢင်တႅၼ်းၼႂ်းၶီးၿွတ်ႇႁဝ်းႁႂ်ႈမၼ်းၵုမ်ႇထူၼ်ႈမိူၼ်ၵၼ် မၼ်းၵေႃႈတေဢမ်ႇႁၼ်
ၶိူင်ႈမၢႆတွႆႇတိူၼ်လႅင်လႅင်သင်ယဝ်ႉ တွၼ်ႈတႃႇၶႃႈတႄႉဢမ်ႇၸႂ်ႈၽူႈလူင်ႉလႅၼ်ႇလွင်ႈ program
ၵူၺ်းၵႃႈတူၺ်းတူၺ်းသေႁဵတ်းသေယဝ်ႉၸၢမ်းၵႂႃႇၸိူင်ႉၼၼ် ယဝ်ႉၵေႃႈမၼ်းလႆႈ လၢႆးမၼ်းတေ
ဢမ်ႇၸၢင်ႈမိူၼ်ၵၼ်ၵူႈၶိူင်ႈ ၵေႃႉၶိုင်သၢင်တေလႆႈမေႃႁႃလွၵ်းလၢႆးၵႄႈလိတ်ႈပၼ်ႁႃႁၢင်းၵူၺ်း
ယူႇ သင်ဝႃႈၵႄႈဢမ်ႇလႆႈလႃးလႃးၼႆၵေႃႈၶႂ်ႈတွင်ႈထၢမ်မႃးၵေႃႈလႆႈ ၸွမ်းၼင်ႇၶၢဝ်းယၢမ်းဢၼ်
တွပ်ႇပၼ်လႆႈၼၼ်ႉတေၶတ်းၸႂ်ႉသႂ်ႇႁႅင်းသေတွပ်ႇပၼ်ယူႇၶႃႈ တေၸွပ်ႇထၢမ်ၸွမ်းၼင်ႇၽူတ်ႉ
ၼႂ်းဝဵပ်ႉၿလွၵ်ႉၼႆႉၵေႃႈလႆႈ ဢမ်ႇၼၼ်ၵေႃႈၶဝ်ႈၵႂႃႇၸွပ်ႇထၢမ်တီႈမုၵ်ႉၸုမ်းၵႂၢမ်းတႆးလိၵ်ႈတႆး
ၼႂ်းၾဵတ်ႉၿုၵ်ႉၵေႃႈလႆႈ ၵမ်းၼႆႉၵေႃႈသိုပ်ႇတူၺ်းၶလိပ်ႉဝီးၻီးဢူဝ်းဢၼ်ၶႃႈႁဝ်းတၢင်ႇဝႆႉၼႆႉ
သေၵမ်း ။

မေးၶူတ်ႉၶိူင်ႈမၢႆတွႆႇတိူၼ် Latinkeyboard.java

ၵမ်းၼႆႉၵေႃႈပဵၼ်လၢႆးၵႄႈၶူတ်ႉၶိူင်ႈမၢႆလႅင်ဢၼ်တွႆႇတိူၼ်ၼိူဝ် class Latinkeyboard.java ၶႃႈ
လၢႆးမၼ်းၼႆၵေႃႈဢမ်ႇယၢပ်ႇဢဝ်မဝ်ႉၵႂႃႇငႃလိူၼ်ႈၼိူဝ်ၶူတ်ႉၶိူင်ႈမၢႆတွႆႇတိူၼ်လႅင်လႅင် ယဝ်ႉၵေႃႈ
ၶိုၼ်းၶလိၵ်ႉလိူၵ်ႈဢဝ်ၸွမ်းႁႂ်ႈမိူၼ်တူဝ်ယၢင်ႇၶလိပ်ႉဝီးၻီးဢူဝ်းၼႆႉၵေႃႈလႆႈယဝ်ႉၶႃႈ။

ပိုတ်ႇ/ပိၵ်ႉ Data internet ၾူၼ်းမိုဝ်းထိုဝ်

တွၼ်ႈတႃႇဢူၺ်းၵေႃႉဢၼ်ၸႂ်ႉၾူၼ်းမိုဝ်းထိုဝ် android ၼၼ်ႉ သင်ဝႃႈႁဝ်းၸႂ်ႉပႃး internet ၼႆၸိုင်
ဢမ်ႇဝႃႈတေပဵၼ်မဵဝ်းၼပ်ႉသွၼ်ႇၸွမ်းတၢင်းၼမ် Data မၼ်း ဢမ်ႇၼၼ်ၵေႃႈမဵဝ်းဢၼ်ၼပ်ႉသွၼ်ႇပဵၼ် ၶၢဝ်းယၢမ်း (ၼပ်ႉပဵၼ်မိၼိတ်ႉ) မၼ်းၼၼ်ႉ မၼ်းၵေႃႈပၼ်တၢင်းသုၵ်ႉသၵ်ႉလၢႆၶၵ်ႉတွၼ်ႈတႃႇႁဝ်းတေ
ၶဝ်ႈၵႂႃႇ ပိုတ်ႇ/ပိၵ်ႉဢိၼ်းတိူဝ်းၼဵတ်ႇၼႂ်းၾူၼ်းမိုဝ်းထိုဝ်ႁဝ်းပေႃးဢမ်ႇပိၵ်ႉၼႆၵေႃႈမၢင်ၵမ်းၸၢင်ႈသဵင်ႈ
ငိုၼ်း ဢမ်ႇႁူႉတူဝ် ဢမ်ႇၼၼ်ၵေႃႈသဵင်ႈၸူဝ်ႈမွင်း သဵင်ႈ data လၢႆလၢႆၵူၺ်း ။

မိူဝ်ႈၼႆႉၶႃႈႁဝ်းမီးလၢႆးပိုတ်ႇ/ပိၵ်ႉ data ဢိၼ်းတိူဝ်းၼဵတ်ႇၼိူဝ်ၾူၼ်းမိုဝ်းထိုဝ်မႃးၾၢၵ်ႇလႄႈ မၼ်းပဵၼ်
app ဢၼ်ၼိုင်ႈဢၼ်ၶႃႈၸႂ်ႉတိုဝ်းယူႇ ၶႃႈဝႃႈမၼ်းၵေႃႈလီ ငၢႆႈ တွၼ်ႈတႃႇတေပိုတ်ႇ/ပိၵ်ႉ data internet
ၼိူဝ်ၾူၼ်းႁဝ်း မၼ်းမီးၸိုဝ်ႈဝႃႈ Data Enabler Widget ပဵၼ် app တွၼ်ႈတႃႇၸွႆႈႁဝ်းပိုတ်ႇ/ပိၵ်ႉ data
လၢႆးၸႂ်ႉမၼ်းၼႆၵေႃႈဢမ်ႇယၢပ်ႇ သင်ဝႃႈႁဝ်းလူတ်ႇဢဝ်မႃးတီႈ google play ယဝ်ႉၵေႃႈ တီႈၼႃႈ home
ႁဝ်းၼၼ်ႉ ႁႂ်ႈလႆႈ add widget မၼ်းဝႆႉတီႈၼႃႇၸေႃး ပေႃးႁဝ်းတေၸႂ်ႉၼႆၵေႃႈ တဵၵ်းပိုတ်ႇ/တဵၵ်းပိၵ်ႉ
ၵမ်းလႂ်ၵမ်းၼၼ်ႉၵူၺ်းၶႃႈ ပေႃးလူဝ်ႇၸႂ်ႉ internet မိူဝ်ႈလႂ်ၼႆၵေႃႈတဵၵ်းပိုတ်ႇၼိုင်ႈၵမ်းႁႂ်ႈ icon မၼ်း
ၶဵဝ်ဝႆႉ ပေႃးသင်တေပိၵ်ႉၼႆၵေႃႈတဵၵ်းထႅင်ႈၵမ်းၼိုင်ႈမၼ်းၵေႃႈတေမွတ်ႇၵႂႃႇ တူဝ် E / H ၵေႃႈတေႁၢႆ/
တေပေႃႇ ငၢႆႈငၢႆႈၸိူင်ႉၼႆၵူၺ်း ၸၢမ်းလူတ်ႇၸႂ်ႉၸၢမ်းတူၺ်းၵၼ်ၶႃႈလႄႈ ၶႂ်ႈၶိုၵ်ႉဝႆႉ။

ၼႆႉၶႃႈလိင်ႉမၼ်း  Data Enabler Widget On google Play

ၵႄႈၶိူင်ႈမၢႆတိူၼ် softkeyboard.java

ၵမ်းၼႆႉမႃးထိုင်ၶၼ်ႈတွၼ်တႃႇတေၵႄႈၶူတ်ႉ ၶိူင်ႈမၢႆႇတိူၼ်လႅင်လႅင်ၼႂ်း project keyboard ၶွင်ႁဝ်းယဝ်ႉၶႃႈ
မၼ်းၶႂ်ႈယွႆႈယႅမ်းဝႆႉလႄႈ ၸင်ႇလႆႈထၢႆႇပဵၼ်ၶလိပ်ႉပၼ် ႁႂ်ႈတူၺ်းၸွမ်ယဝ်ႉၵေႃႈလဵပ်ႈႁဵၼ်းဢဝ်ၶႃႈ လၢႆးမၼ်း
မိူၼ်ႁိုဝ် ၶွင်ႉၶမ်တီႈလႂ်ၼႆႉၵေႃႈ ၸွပ်ႇထၢမ်လႆႈၶႃႈ ၶႃႈတေၼေၶလိပ်ႉမၼ်းၸိူင်ႉၼႆၵႂႃႇ။

ထႅင်ႈ class *.java

ၵမ်းၼႆႉႁဝ်းမႃးတူၺ်းလၢႆးထႅင်ႈ class (CandidateView.java, LatinKeyboard.java,
LatinKeyboardView.java) လူင်းၼႂ်းၶီးၿွတ်ႇႁဝ်း မီးလၢႆလၢႆးယူႇ ဢၼ်ငၢႆႈသုတ်းၼၼ်ႉ ၵႂႃႇ copy ဢဝ်
file.java တီႈ SoftKeyboard > src > com.example.android.softkeyboard ဢၼ်မီးယူႇၼၼ်ႉမႃး
ဝၢင်းၼႂ်း package keyboard ၶွင်ႁဝ်းၵေႃႈလႆႈယဝ်ႉၶႃႈ ဢမ်ႇသုၵ်ႉသၵ်ႉသင် တူၺ်းၸွမ်းၶႅပ်းႁၢင်ႈလၢႆးထုတ်ႇ
ဢဝ်မႃးၸွမ်းၵၼ်ၶႃႈ။

 
ၵႂႃႇ copy ဢဝ် file CandidateView.java, LatinKeyboard.java, LatinKeyboardView.java
ၼၼ်ႉမႃးဝၢင်းဝႆႉတီႈၼႂ်း kamjing > src > com.kamjing.android.keyboard ႁႂ်ႈမၼ်းမီးယူႇၸွမ်း
SoftKeyboard.java ၶွင်ႁဝ်းၼၼ်ႉၶႃႈ ။

ဢဝ်မႃးဝၢင်းဝႆႉတီႈၼႂ်းၶီးၿွတ်ႇႁဝ်းႁႂ်ႈမၼ်းမိူၼ်ၵၼ်

ပေႃးဝၢင်းယဝ်ႉၵေႃႈမၼ်းတေမီးမိူၼ်ၵၼ်တၢင်း sample softkeyboard ယဝ်ႉ ၵူၺ်းၵႃႈတေဢမ်ႇၸၢင်ႈ
ၸႂ်ႉလႆႈ ၵွပ်ႈဝႃႈမၼ်းတိုၵ်ႉမီးၶူတ်ႉ error ယူႇလၢႆတီႈ ၵမ်ႉၶႃႈတေမႃးၼေလၢႆးမၼ်းထႅင်ႈ။